Камару Усманнинг жамоаси кейинги жанг кимга қарши бўлишини тасдиқлади

Бир неча кун олдин Камару Усманнинг навбатдаги жангини ўрта вазнда собиқ чемпион Дрикус Дю Плессига қарши ўтказиши ҳақида хабарлар тарқалган эди.

Усманнинг жамоаси мазкур хабарларга муносабат билдирар экан, Камару ҳақиқатан ҳам кейинги жангида Дрикюс Дю Плесси билан тўқнаш келишини тасдиқлади.

Ўрта вазн тоифасидаги беллашув июль ойида ўтказилиши режалаштирилмоқда.

Камару Усман сўнгги жангини ўтган йилнинг июнь ойида ўтказганди. Ўшанда у Хоакин Баклини ҳакамларнинг якдил қарори эвазига мағлуб этган эди. Бунгача Усман 2023 йил октябрь ойида ўрта вазн тоифасида Хамзат Чимаев билан жанг ўтказиб, очколар ҳисобига кўра имкониятни бой берганди. 

Дрикус Дю Плесси эса ўтган йилнинг август ойидан бери октагонга чиқмаяпти. Дрикус охирги жангида ҳакамларнинг якдил қарори билан Чимаевга ютқазиб, ўрта вазн тоифасида UFC чемпионлик камарини бой берган эди. Бунгача жанубий африкалик жангчи ташкилотда мағлубиятсиз келаётганди. Кетма-кет тўққизта ғалаба ва икки чемпионлик ҳимоя жангидан кейин Хамзатдан енгилган эди.