Камила Осорио ўз уйида чемпионлик унвонини ҳимоя қилди

Мусобақа бош соврини бу сафар ҳам Камила Осориога насиб этди. Дунёнинг 54-ракеткаси бўлиб турган колумбиялик теннис маликаси ҳал қилувчи финал баҳсида рейтингнинг 223-поғонасидан жой олган польшалик Катаржина Кавани икки сетда ҳам бир хил ҳисобда мағлубиятга учратди - 6/3, 6/3. 

Саксон олти дақиқа давом этган баҳсда Осорио 3, Кава 1 та эйс зарбасини амалга оширган. Осорио бу билан чемпионлик унвонини ҳимоя қилди.