Камондан отиш ва от спорти бўйича маҳорат дарслари ўтказилди + ФОТО

Ёшларни миллий ғоя ва ватанга садоқат руҳида тарбиялаш, улар қалбида ватан ҳимояси муқаддас бурч эканлигини сингдириш мақсадида Ўзбекистон Республикаси Миллий гвардияси Қашқадарё вилояти бўйича бошқармаси ҳамда Қарши шаҳридаги Қашқадарё вилоят болалар-ўсмирлар футбол академиясининг спортчи ўқувчилари ўртасида от спорти ҳамда камондан отиш спорт турлари бўйича маҳорат дарслари ташкил этилди. 

Бунда ўқувчиларга, Миллий гвардия тизимларида хизмат отларидан фойдаланишнинг мақсадлари юзасидан назарий тушунчалар берилиб, отга миниш, отда ҳаракатланиш шунингдек, камондан отиш спорт турида аниқ нишонга олиш каби мерганлик маҳоратлари бўйича амалий машғулотлар ўтказилди. 

Ушбу машғулотларда фаол иштирок этган истеъдодли ўқувчилар ташаккурномалар билан тақдирланишди.

Шавкат РЎЗИЕВ, Қашқадарё вилояти болалар-ўсмирлар футбол академиясининг маънавий-маърифий ишлар бўйича директор ўринбосари