06 апр 14:13
Янгиликлар

Бокс/ММА

Камшибек Конкабаев проф фаолиятини янги босқичга кўтариш учун Лондонга келди (ФОТО)

Қозоғистонлик боксчи Камшибек Конкабаев ўз профессионал фаолиятида янги босқич бошлаганини маълум қилди.

2020 йилги Токио Олимпиадаси бронза медали совриндори Лондон (Буюк Британия) шаҳрига етиб борди. У эндиликда Leo’s Gym бокс залида машғулотлар олиб боради.

"Париждаги Олимпия ўйинларидан сўнг қисқа танаффус қилдим ва фаолиятимни профессионал боксда давом эттириш мақсадида Буюк Британия пойтахти Лондон шаҳрига келдим. Биз аллақачон Leo’s Gym бокс залида мураббийлар билан биргаликда машғулотларни бошладик.

Ин Ша Аллоҳ, яқин вақт ичида шартномалар бўйича музокаралар ўтказамиз ва мухлислар билан яхши янгиликлар бўлишишга умид қиламан. Энди тинмай меҳнат қилиб, осмонранг байроғимизни баланд кўтариш ва Жаҳон чемпиони бўлиш вақти келди!", — деб ёзган боксчи Instagram саҳифасида.