Кункабаев фаолиятини якунлаши мумкинлигига ишора қилди

— Қамшибек, профессионал фаолиятингизда қандай ўзгаришлар бўлмоқда? Яқин вақт ичида қандай янгиликлар кутишимиз мумкин?

— Профессионал фаолиятимга келсак, ўзингизга маълум, мен икки ойга Англияга тайёргарлик кўриш учун боргандим. Ҳозирча таклифларни кутяпман. Айтишим мумкинки, бошқача фикрлар ҳам пайдо бўлмоқда ва Худо хоҳласа, тўплаган тажрибам ва ютуқларим билан юртимга хизмат қилиш истаги ҳам бор — шундай ўйлар ҳам йўқ эмас.

— Профессионал боксдаги таклифларни кутяпсиз, шундайми?

— Ҳа, худди шундай.

— Таклифлар келиб қолиши ҳам мумкин.

— Шунга умид қиляпман. 

Конкабаевнинг асосий ютуқлари — 2020 йилги Токио Олимпия ўйинларининг бронза медали ҳамда супероғир вазн тоифасидаги жаҳон чемпионатларининг икки карра кумуш медали (2017, 2019). Қитъа миқёсида Қамшибек Осиё чемпионатининг тўрт карра кумуш медали совриндори (2017, 2019, 2021, 2022) мақомини қўлга киритган ва 2019 йилги Бутунжаҳон ҳарбий ўйинларида олтин медални қўлга киритган. У 2020 йил 23 августда MTK Kazakhstan менежерлик компанияси билан шартнома имзолаб, профессионал боксга ўтган эди. Олмаотада бўлиб ўтган дебют жангида Қозоғистон терма жамоасининг 28 ёшли собиқ сардори оғир вазн тоифасида рингга чиқиб, ватандоши Иса Акбербаев устидан техник нокаут эвазига муддатидан олдин ғалаба қозонган.