Камшибек Кункабаев қайтмоқчи. У Баҳодир билан жанг қиладими?

— Сизнинг кўп йиллик рақибингиз, ўзбекистонлик Баходир Жалолов ҳозир профессионал боксда ўзини синаб кўряпти. У ҳаваскорлар боксдан кетганидан кейин кўпчилик энди навбат сизники, деб ҳисобламоқда. Охирги жаҳон чемпионатларидан сўнг бу фикрлар янада кўпайди…

— Ростини айтсам, кўпчилик менга ҳам шуни айтаяпти ва ёзаяпти: "Сенинг алоҳида ўрнинг бор, ҳали айтадиган гапинг бор". Баҳодир билан биз кўп йиллар давомида рингда тўқнаш келганмиз — гоҳ у ютган, гоҳ мен. Албатта, ҳар бир спортчи фаолиятини ёрқин ғалаба билан якунлашни орзу қилади. Мен ҳам бундай орзум борлигини яширмайман. Инсон қониқмайдиган бўлади: аввал чемпион бўлишни хоҳлайсан, кейин икки карра, кейин уч карра. Лекин буларнинг барчасига турли омиллар таъсир қилади.

— Ҳозир машғулот ўткаяпсизми?

— Ҳа, машғулот қиляпман, аммо терма жамоадагидек жадал эмас. Асосан соғлиқ ва формани сақлаш учун.

— Барча жароҳатлар тузалдими?

— Худога шукр, фаолиятим давомида жиддий жароҳатлар бўлмаган. Майда шикастлар даволанди — ҳозир ҳаммаси жойида.