Камшибек Кункабаев қачон қайтмоқчи эканлигини айтди

— Камшибек, охирги бир йилда мухлислар сизни кўрмай қолди. Ҳозир қаердасиз ва нима билан шуғулланяпсиз?

— Париждаги Олимпиададан кейин ростдан ҳам ёшларга йўл беришга қарор қилдим. Катта спортда бўлганингда оилага деярли вақт қолмайди: ойлаб, йиллаб йиғин ва мусобақаларда бўласан, болаларни кўрмайсан. Шунинг учун ҳозир бу вақтни оиламга бағишладим, оталик вазифаларимни бажаряпман. Ростини айтсам, бу ҳам жуда ажойиб. Ҳар куни болаларимни мактабга олиб бориб, қайтариб олиб келаман.

— Лекин бу спортдан бутунлай кетдингиз, дегани эмас-ку?

— Умуман олганда, профессионал боксда фаолиятни давом эттириш ниятим бор. Англия ва АҚШдан таклифлар бўлган, ҳозир уларни муҳокама қиляпмиз. Ёш ўтиши билан йирик ташкилотлар катта қизиқиш билдирмаслиги тушунарли, лекин шунга қарамай, бу йўналишда барқарор ишлайдиган компаниялар билан музокаралар олиб боряпмиз. Қандай бўлишини вақт кўрсатади.