"Карам шўрва ва варениклар..." — Усик Энтони Жошуанинг Киевга ташрифи ҳақида

"Икки турдаги хорижликлар бор: қўрқиб, [Украинага] бормайдиганлар ва "Ҳа, биз тайёрмиз!" дейдиганлар. Эй Жей - иккинчи тоифага киради. Биз мулоқот қилишни бошлаганимизда Украинага икки кунга боришим керак, чунки у ерда бокс турнири бўлади, йигитларни қўллаб-қувватлашим лозим, дедим. Ва у шундай: "О, мен Украинада бўлмаганман-ку!". Мен унга дарров: "Хоҳлайсанми?" дедим. У эса: "Ҳа!" деб жавоб берди. Жошуанинг ўзи хоҳлади. Биз шунгача ҳам гаплашиб турардик, у келиб, менинг қаердан эканлигимни, қандай яшаётганимизни, мамлакатимиз қанақалигини кўрмоқчи эди. Ҳозир бир лагерда машғулот ўтказяпмиз. 

Карам шўрва ва варениклардан татиб кўрдик, украинча қўшиқлар тингладик. Мен унга ўзим учун энг муҳим нарсаларни кўрсатдим, ибодат қилдик", — дея Усикнинг сўзларини келтиради "Суспільне Спорт" портали.