Karate Combat 52. Дебютант Холмуродовда ғалаба, Анвар Бойназаров эса...

Мусобақада ўзбекистонлик аралаш яккакураш усталари Анвар Бойназаров ҳамда Шохрух Холмуродов ҳам иштирок этди.

Жанговар каратэ бўйича илк бор жанг ўтказган Холмуродов америкалик Брайнэн Макиверни биринчи раундда техник нокаут орқали таслим этишнинг уддасидан чиқди. Анвар Бойназаров эса мексикалик Луис Гуеррерога қарши баҳс олиб борди. Бироқ бу жангда кўпчилик кутмаган натижа қайд этилди. Ҳамюртимиз биринчи раундда нокаут орқали имкониятни бой бериб қўйди.

Анвар турнирдан олдин рақибини мағлуб этиши учун унга атиги 10 сония етишини айтиб ўтган эди.

Karate Combat 53 мусобақасида UFC жангчилари Кайо Борральо ҳамда Брендан Аллен ҳам ўзаро беллашди ва бу жангда Борральо очколар ҳисобига кўра ғолиб бўлди. Бундан ташқари, UFC собиқ жангчиси Робелис Деспанье бразилиялик Рожжерс Соузани нокаут орқали таслим қилди.