Карате WKF бўйича Осиё чемпионати олдидан истиқболли режалар муҳокама қилинди

Хабарингиз бор, 16-20-декабрь кунлари мамлакатимизда карате WKF бўйича Осиё чемпионати ўтказилади. Мазкур мусобақага Бутунжаҳон карате федерацияси (WKF) президенти Антонио Эспинос ҳам ташриф буюрди. Бугун Спортни ривожлантириш вазирлигида Адкҳам Икрамов ва Антонио Эспинос ўртасида учрашув бўлиб ўтди.

Учрашувда Миллий Олимпия қўмитаси Бош котиби Ойбек Касимов, Ўзбекистон карате WKF федерасияси раиси Рашид Талипов ҳамда Осиё карате федерацияси (АКF) президенти, генерал-майор Нассер Абдулразак Ал Разуки ва бошқа мутасаддилар иштирок этишди.

Учрашувда меҳмонга Ўзбекистон Республикаси Спортни ривожлантириш вазирлиги фаолияти, давлатимиз раҳбари томонидан аҳоли, айниқса, ёшлар орасида спортни ривожлантириш борасида амалга оширилаётган ислоҳотлар ва янгиланишлар ҳақида маълумот берилди.

Бутунжаҳон карате федерацияси президенти Антонио Эспинос карате WKF спортини ривожлантиришга алоҳида эътибор қаратилгани, бу борада бир қанча ишлар амалга оширилаётгани, бир неча кундан кейин бошланадиган Осиё чемпионатига юқорида даражада тайёргарлик кўрилганини таъкидлади.