Карло Анчелотти йирик мағлубиятдан сўнг нималар деди?

"Биринчи голга қадар учрашув тенг курашлар остида кечаётганди. Бизда гол уришга имкониятлар етарли даражада бўлди. Бугун жамоага омад етишмади. Улар икки дақиқада иккита гол уришди ва бу энергиямизнинг йўқолишига сабаб бўлди. 

Бу голлардан сўнг биз таваккал қилишга мажбур бўлдик ва бунинг оқибатида рақиб қарши ҳужумларда имкониятларга эга бўлди. Ҳисоб бугунги ўйинга мос бўлди деб айтмаган бўлардим. Бугун "Барселона" футболчилари майдондаги шижоатлари сабабли ғалаба қозонишди", — деди Анчелотти.

Маълумот учун, ушбу мағлубият Анчелотти учун "Эл Классико"лардаги ўнинчиси бўлди.