Карлос Ульберг ярим оғир вазн тоифаси учун саралаш турнири ўтказишни таклиф қилди

Амалдаги чемпионнинг фикрича, саралаш босқичи ўтаётган вақтда у жароҳатидан тўлиқ тузалиб олишга улгуради.

"Абу-Даби турниридаги жанглардан кейинги фикрларим шундай, — деб ёзди Ульберг UFC Fight Night 282 турниридан сўнг ижтимоий тармоқларда (у турнирни томошабин сифатида кузатган). — Анкалаев ва Иржи Прохазка. Уларга тўлиқ тайёргарлик кўриш учун имконият беринг. Бизнинг дивизионимиз бу жангка лойиқ, жангчиларнинг услуби туфайли эса бу мухлислар учун жуда қизиқарли бўлади. Коста ва Раунтри. Бу олдиндан айтиб бўлмайдиган жанг — ё ҳаммаси, ё ҳеч нарса. Бу жанглардан кимдир катта кўтарилиш билан чиқади. Ўша вақтга келиб мен ҳам тайёр бўламан. 2027 йилда кўришгунча!".

Эслатиб ўтамиз, Магомед Анкалаев чемпионлик камарини йўқотганидан кейинги илк жангида Богдан Гусковни мағлуб этди. У ўзининг навбатдаги рақиби сифатида UFC`нинг ўрта вазн тоифасидаги собиқ даъвогари Пауло Костани тилга олди.

Карлос Ульбергга келсак, у жорий йилнинг апрель ойида Иржи Прохазкани мағлуб этиб, UFC`нинг ярим оғир вазн тоифасидаги вакант камарини қўлга киритган эди. Бироқ, айнан ўша жангда Ульберг тиззасидан жароҳат олиб, узоқ муддатга сафдан чиққанди.