20 апр 17:13
Янгиликлар

Теннис

Каролин Гарсия Руанда бош соврин учун даъвогар

Франциянинг Руан шаҳрида теннис бўйича грунт қопламали WTA турнири бўлиб ўтмоқда.

Дунёнинг 23-ракеткаси Каролин Гарсия мусобақа бош совринини ўз ватанида олиб қолиш учун ҳаракат қиляпти. Франциялик теннисчи 1/4 финалда WTA рейтингида 162-поғонада бораётган руминиялик Елена-Габриэла Рузени мағлубиятга учратди - 6/3, 6/4.

Теннисчиларнинг ўзаро иккинчи учрашувида ҳам Каролин зафар қучди. Тўқсон дақиқа давом этган баҳсда Гарсия 8, Рузе 3 та эйс зарбасини амалга оширган. Қўшхатолар Еленада кўпроқ бўлди - 3 га 1. Энди Гарсия финал чиптаси учун америкалик Слоан Стивенсга қарши кортга чиқади.