21 май 17:37
Янгиликлар

Теннис

Каролина Плишковани финал остонасида тўхтатишди

Сайёрамизнинг саккизинчи рақамли теннис маликаси Каролина Плишкова Страсбург турнири ярим финалида кутилмаган мағлубиятни қабул қилиб олди.

Чехиялик ракетка устаси 1 соату 27 дақиқа давом этган баҳсда WTA рейтингининг 81-поғонасидан жой олган словениялик Кайя Йуванга имкониятни бой бериб қўйди - 2/6, 5/7.

Каролина битта, Кайя эса тўртта брейкни амалга оширган. Иккала теннисчи ҳам иккитадан эйс зарбани ижро этган. Бу уларнинг ўзаро ўтказган илк учрашуви эди. Йуван бугун бош соврин учун германиялик Анжелик Керберга қарши кортга чиқади.