Касадо "Барселона"дан кетиш ниятида

"Cadena SER" нашрининг хабар беришича, испаниялик ярим ҳимоячи ўз вакилларига бошқа клублардан таклифларни кўриб чиқишни бошлашни буюрган.

Серхио Бускетснинг ўйин услубининг вориси деб ҳисобланган 22 ёшли "Ла Масия" тарбияланувчиси 2026 йилнинг ёзида "Камп Ноу"ни тарк этиш ҳақида жиддий ўйламоқда.

Хабарларга кўра, асосий сабаб Ханси Флик қўл остида ўйин вақтининг етишмаслигидир.

Шуни таъкидлаш керакки, испаниялик хавбек жорий мавсум Каталония жамоаси сафида барча мусобақаларда 29 ўйинда майдонга тушиб, атиги 1 та голли узатмани амалга оширди.