Каспер Рууд: "Невараларимга Надаль билан "Ролан Гаррос" финалида ўйнаганимни айтиб бераман"

Каспер Рууд "Ролан Гаррос"нинг қайси финали кўпроқ ёққани ҳақида гапирди - 2013 йилда трибунадан Рафаэль Надалга мухлислик қилганими ёки унга 3/6, 3/6, 0/6 ҳисобида мағлуб бўлгани.

"Менга иккаласи ҳам ёқди, лекин, албатта, Надальга қарши ўйнаш ёқимли. Бу лаҳзани бутун умр эслаб юраман. Ҳозирча, бу фаолиятимдаги энг ёрқин ўйин.

16-17 йилдан бери Рафанинг ўйинларини кузатиб келаётганимни айтгандим. Шунинг учун, у билан учрашишим синов эди, лекин жуда ёқимли. Учрашувни янада шиддатлироқ қилганимда жуда яхши бўларди, аммо бу тарих. Бир куни невараларимга "Филипп Чатрие" кортида финалда Рафа билан ўйнаганимни айтиб бераман. Эҳтимол, улар: "Вой, ростдан ҳам?" ми дейишар. Ва мен "ха" деб жавоб бераман. Эҳтимол, бу лаҳзадан узоқ вақт роҳатланаман”.

Шунингдек, у финалнинг қайси лаҳзаси кўпроқ эсда қолгани ҳақида жавоб берди.

"Улар жуда кўп. Гурунт тўплари ҳар доим эсда қоларли бўлади ва шунинг учун зарбалар ҳам чиройли амалга оширилди.

Кортда диктор Рафанинг неча марта турнирда ғолиб чиққанини санаб ўтганида кулгили бўлди. Рўйхат чексиз бўлиб туюлди. У аниқ 30 сония давомида ўқилди.

Билли Жин Кингдан финалчига бериладиган совринни олиш ҳам ёқимли бўлди. У спортимиз афсонаси ва у билан учрашганим ёқимли бўлди”, - дея Рууднинг сўзларини келтиради "Ролан Гаррос" матбуот хизмати.