18 фев 17:46
Янгиликлар

Дзюдо

Кечки дастурда икки дзюдочимиз бронза медали учун татамига чиқади

Исроилнинг Тель-Авив шаҳрида дзюдо бўйича “Катта Дубулға” туркумига кирувчи йирик мусобақа давом этмоқда.

Қувонарлиси, -66 кг вазн тоифасида юртимиз шарафини ҳимоя қилаётган икки дзюдочимиз ўтиш беллашувида номдор рақибларини мағлубиятга учратиб, кечки дастурда бронза медали учун курашиш ҳуқуқини қўлга киритди.

Нисбатан халқаро тажрибаси кам бўлган истеъдодли Муҳриддин Тиловов озарбайжонлик Нижат Шихализадани, Сардор Нуриллаев эса мезбонларнинг номдор вакили Барух Шмайловни мағлубиятга учрата олди. Энди Тиловов кечки дастурда бронза медали учун россиялик Мурад Чопановга, Нуриллаев эса италиялик Маттиа Микелига қарши татамига чиқади.

Ҳар икки дзюдочимиздан ҳам бронза медали кутиб қоламиз. Омад ёр бўлсин, йигитлар!