26 мар 18:48
Янгиликлар
Дзюдо
Кемран Нуриллаев Тбилиси "Катта Дубулға" финалида жанг ўтказди
Айни дақиқаларда Грузия пойтахти Тбилиси шаҳрида дзюдо бўйича "Катта Дубулға" турнирининг медаллар учун финал учрашувлари бўлиб ўтмоқда.
Ҳозиргина эркаклар ўртасидаги -60 кг вазн тоифасида олтин медаль учун ўтказилган финал беллашуви якунланди. Ҳал қилувчи учрашувда ҳамюртимиз Кемран Нуриллаев грузиялик Темур Нозадзега қарши татамига чиқди ва вазари эвазига имкониятни бой бериб қўйди.
Таққослаш учун, Темур Нозадзе Олимпиада рейтингида 2420 очко билан 23-поғонадан жой олган. Кемран Нуриллаев эса 1465 очко билан 39-ўринни банд этган. Тбилиси "Катта Дубулға" турнири Кемранга кумуш медаль билан бирга 700 рейтинг очкосини ҳам тақдим этди.
UPD. Ҳакамлар қарорига кўра, Кемран мумкин бўлмаган хавфли ҳаракатни амалга оширган. Шу сабабли, мағлубиятга учради.
Ҳавола :
Манба : olamsport.com
Фикрлар