06 мар 07:23
Янгиликлар

Теннис

Кенин иродали ғалаба эвазига 1/4 финалга чиқди

Дунёнинг бешинчи рақамли теннис маликаси София Кенин Франциянинг Лион шаҳрида давом этаётган WTA турнирининг чорак финалига йўл олди.

Америкалик теннисчи иккинчи давра учрашувида рейтингнинг 174-поғонасидан жой олиб турган руминиялик Жаклин Кристианга қарши баҳс олиб борди. Кенин 2 соату 31 дақиқа давом этган учрашув якунида рақибасини 6/7(5), 7/5, 6/4 ҳисобида мағлуб этди.

21 ёшли София баҳс давомида 4, унинг тенгдоши эса 11 та эйс зарбасини амалга оширди. Бу теннисчиларнинг ўзаро ўтказган илк учрашуви эди. Кенин Open 6 Sens турнирининг чорак финалида франциялик Осеан Додинга қарши кортга чиқади.