11 май 08:22
Янгиликлар

Дзюдо

Кичик Жарқўрғондаги катта дзюдо байрами ФОТОРЕПОРТАЖ

Сурхондарё вилоятининг Жарқўрғон туманида меҳнат фахрийси Тўхта бобо Қодиров хотирасига бағишлаб ўтказилган иккинчи халқаро турнир иштирокчилар ва хориждан келган меҳмонларда катта таассурот қолдирди.

Мусобақа меҳмонлари орасида Олимпия ўйинлари совриндори Абдулла Тангриев, Давлат Бобонов, тожикистонлик Тимур Раҳимов, халқаро мусобақалар ғолиб ва совриндорлари Шаҳрам Аҳадов, Шарофиддин Болтабоев, Ҳикматуллоҳ Тўраев каби машҳур дзюдочиларни кўриш мумкин эди.

Тантанали очилиш маросимида Ўзбекистон дзюдо федерацияси раиси ўринбосари Зафар Қаҳрамонов мусобақа ташкилотчиси Баҳодир Қодировга кимоно ва эсдалик совғаси тақдим этди. Ўз ўрнида ташкилотчилар Сурхондарё вилояти, хусусан, Жарқўрғон тумани спорти ва дзюдоси ривожига хисса қўшган спортчи ҳамда мураббийларга пул мукофоти топширишди.