29 мар 08:05
Янгиликлар
Бокс/ММА
Кличко Усикнинг Украинани тарк этиши ҳақида: "Бунинг яхши ва ёмон томони бор"
Оғир вазн тоифасида собиқ жаҳон чемпиони Владимир Кличко ҳамюрти Александр Усикнинг Украинани тарк этишига муносабат билдирди.
Россия Украинага уруш бошланганидан сўнг WВА, WВО, IBO ва IBF йўналишлари бўйича оғир вазнда жаҳон чемпиони ҳудудий мудофаа сафига қўшилганди. Аммо, ўтган ҳафта Александр Энтони Жошуа билан реванш жангига тайёргарлик кўриш учун Украинани тарк этди.
"Бунинг яхши ва ёмон томони бор. Александр учун бу осон қарор бўлмади. Бошқа тарафдан қараганда, мамлакатимиз байроғи кўтарилади ва мадҳиямиз янграйди”, — деди Кличко.
Эслатиб ўтамиз, Усик ва Жошуа ўртасидаги илк жанг 2021 йилнинг кузида бўлиб ўтганди. Ўшанда украиналик жангчи хакамлар қарори билан ғалаба қозонган эди.
Ҳавола :
Манба : sports.ru
Фикрлар