09 июл 11:56
Янгиликлар

Дзюдо

Kocaeli European Judo Hopes. Ёш дзюдочиларимиз Туркиядаги турнирни 7 та медаль билан якунлашди

Туркиянинг Измит шаҳри мезбонлик қилган ўсмирлар ўртасидаги халқаро турнир ўз якунига етди.

Мусобақанинг сўнгги куни "Diplomat Judo Club" тарбияланувчилари яна 2 та медалга сазовор бўлишди. Самир Саодатов (-60 кг) кумуш, Самиюсуф Аббосов (-34 кг) бронза медалини қўлга киритди.

Шу тариқа, ёш дзюдочиларимиз Kocaeli European Judo Hopes мусобақасини 1 та олтин, 2 та кумуш, 4 та бронза медали билан якунлашди.

"Медаль олмаган қолган шогирдларимиз ҳам яхши курашишди. Бу тажриба — келажакдаги ютуқлар учун мустаҳкам пойдевор. Биз мураббийлар сизлар билан фахрланамиз ва ишонамизки, кейинги мусобақаларда сизларни янги зафарлар кутмоқда!", - деди Ўлмас Гуллиев.