Колби Ковингтон Чимаевга қарши жанг учун шартини эълон қилди

"Чимаев худди Дастин Порьега ўхшаб кетади. Улар мени кўрган заҳоти уриб ташлайман деб гапиришади, бироқ юзма-юз келиб қолсак бошини пастга тушириб кетишади. Улар ўзларидан кучли йигитларни «ясаб» олишади.

Хамзатда ҳеч бўлмаса битта яхши ғалаба йўқ. Чимаев шамоллаб қолгани сабабли фаолиятини қандай якунламоқчи бўлганини ҳамма эслайди. У руҳий жиҳатдан заиф.

У мен билан жанг қилиш учун бир нечта рақибни мағлуб этиши керак. Менинг резюмемга қаранг — мен чемпионларни мағлуб этдим. Улар билан жанг қилганимда, рейтингда иккинчи, учинчи, бешинчи ўринларни эгаллашганди. Менинг натижаларим ўзим учун гапиради.

Чимаевга яхши ғалабалар қўлга киритиш керак, аммо ҳозиргача 3-4 та жангда ғалаба қозонган. У ҳали вазннинг энг юқори поғонасига кўтарилишга тайёр эмас", - деди Ковингтон.

Чимаев 9 апрель куни UFC 273 турнирида Гильберт Бернсга қарши баҳс олиб боради.