Колби Ковингтон Камару Усман ҳақида: "Шубҳасиз, мен энг яхши жангчиман. Бизга етти жангдан иборат серия керак"

"Камару Усманни мағлуб этиш — бу мени ҳар доим қизиқтирган. Мен энг яхши жангчиман, бунга ҳеч қандай шубҳа йўқ, лекин барибир биз шу қадар тенгмизки, бизнинг қарама-қаршилигимиз етти жангдан иборат чемпионлик серияси бўлиши керак. 

Мантиқан олсак, буни қилиш мумкин, нега деганда, бизнинг қарама-қаршилигимиз мухлислар учун доим қизиқарли бўлган ва катта аудитория йиға олган. Менимча, агар биз етти бор жанг қилсак, тўрттасида мен ғалаба қозонган бўлар эдим.

Хаттоки, бизнинг иккинчи жангимиздан кейинги матбуот анжуманида Усман трилогия бўлиши мумкинлигини айтди. Усман энг яхши жангчи эканлигини исботлай олмади ва буни ўзи ҳам яхши билади", — деди Колби.

Диёр Мавлонов тайёрлади