09 фев 08:02
Янгиликлар

Олимпия ўйинлари, Қишки спорт турлари

Комилжон Тўхтаевнинг италиялик мураббийи Янсинга етиб келди

Пекин-2022 қишки Олимпия ўйинларида спортчимиз Комилжон Тўхтаевни стартга олиб чиқадиган ва ушбу мусобақага тайёрлаган италиялик мутахассис Маттиа Жианесси делегациямиз таркибига келиб қўшилди.

Мутахассис Милан-Пекин йўналиши бўйича учиб, бугун делегациямиз истиқомат қилаётган Янсиндаги Олимпия шаҳарчасига келиб жойлашди. Шу пайтгача спортчимиз Европада ўзи шуғулланадиган клубидаги бошқа мураббийлар билан машғулот олиб бораётган эди.

Кечадан Жианессининг ўзи Комилжон билан тайёргарликнинг сўнгги босқичини олиб боряпти. Унинг Олимпиададаги чиқишлари 13 ва 16 февраль кунларига белгиланган.