Конго ДР ҳужумчиси Марокаш ҳукуматидан норози: унинг чемодани 12 кундан бери топилмайди

Гап шундаки, "Бетис" футболчиси Касабланка аэропортида чемодани йўқолиб қолгани сабабли барча шахсий буюмларисиз қолиб кетган. Марокаш ҳукумат органлари унинг багажи топилганини бир неча бор тасдиқлаган бўлса-да, мусобақа бошланганидан бери Бакамбу ўз ашёларини қабул қилиб олмаган.

"19 декабрь куни Касабланка аэропортига етиб келиши керак бўлган чемоданларим ҳалигача топилмади. Ҳукумат идоралари уч марта багажимни топганини айтди, аммо афсуски, ҳеч нарса йўқ. Мен ҳозир Африка Миллатлари Кубоги мусобақасида шахсий буюмимсиз иштирок этишга мажбурман", – деди у.

Конго ДР терма жамоаси юлдузи мазкур вазиятдан жуда норози. Улар 6 январь куни 1/8 финалда Жазоирга қарши ўйинда қатнашади.