Конор Макгрегор ўзини UFC`дан ҳайдаб юборишларини сўради

Ирландиялик аралаш яккакураш устаси дунёнинг энг кучли лигаси раҳбарларидан ўзини озод этишни сўраган. 

"Қачон мен озод бўламан?", - дея ижтимоий тармоққа мурожаат жойлаган Конор.

Эслатиб ўтамиз, Макгрегор 29 июнь куни Лас-Вегасда ўтган UFC 303 турнирида уч йиллик танаффусдан сўнг фаолиятини қайта тиклаши кутилганди. Ўша куни у америкалик Майкл Чендлерга қарши оқшомнинг марказий жангида октагонга чиқиши керак эди. Лекин ирландиялик жангга икки ҳафта қолган бир пайтда оёқ бармоғини синдириб олганди. Кейинчалик жангнинг янги муддати сифатида 7 декабрь куни ўтказиладиган UFC 310 турнири айтилганди. Аммо UFC раҳбари Дана Уайт бу хабарни тасдиқламаган эди. 

Конор Макгрегорнинг сўзларига қараганда, UFC билан унинг яна иккита жанг учун шартномаси бор.