15 авг 07:11
Янгиликлар

Бокс/ММА

Конор Макгрегор UFC ростеридан чиқарилди

Икки вазн тоифасида собиқ UFC чемпиони икки ҳафта аввал - 31 июль куни UFC жангчиларининг допинг тестига қайтганини маълум қилганди.

Бугун эса ирландиялик аралаш яккакураш устаси дунёнинг энг кучли Лигаси жангчилари ростеридан чиқарилган. Бунга Х (собиқ Twitter) ижтимоий тармоғидаги UFC Roster Watch аккаунти эътибор қаратган. Жангчи ростерига киритилганидан кейин олти ой давомида допинг текширувларидан ўтишга мажбур бўларди. Агар ҳаммаси жойида бўлса, у 2026 йилнинг январь ёки февраль ойида октагонга қайтишни режа қилганди.

Маълумот учун, 37 ёшли Конор Макгрегор сўнгги жангини 2021 йилнинг июль ойида Дастин Порьега қарши ўтказиб, техник нокаут эвазига ютқазиб қўйганди. UFC 264 турнири доирасидаги ўша жангда Конор биринчи раундда оёғидан жиддий жароҳат олган эди. Макгрегор ҳисобида 22 ғалаба ва 6 мағлубият бор.