23 фев 07:25
Янгиликлар

Бокс/ММА

Конор Макгрегор UFC’даги навбатдаги рақиби ҳақида пост қолдирди

Ярим енгил (66 кг гача) ва енгил (70 кг гача) вазнда собиқ UFC чемпиони ирландиялик 37 ёшли Конор Макгрегор промоушендаги навбатдаги жанги ҳақида гапирди.

"Мен учун кейингиси номаълум йигит бўлиши мумкин. Ўзингиз биласиз, менга барибир. Мен розиман. Шартнома юборинглар, йигитлар. Конор Макгрегорнинг битими", - деб ёзди ирландиялик ўзининг Х ижтимоий тармоғидаги саҳифасида.

Эслатиб ўтамиз, Макгрегор 2021 йилнинг июлидан буён аралаш яккакурашларда жанг ўтказмаган. Ўшанда у UFC 264 турнирида енгил вазн тоифасида UFC вақтинчалик чемпионлик камарининг собиқ эгаси америкалик Дастин Порьега биринчи раундда техник нокаут (оёқ жароҳати) билан имкониятни бой берганди. Унинг профессионал рекорди жами 22 та ғалаба ва олтита мағлубиятдан иборат.

Миш-мишларга кўра, Конор Оқ уйдаги турнир кардига киритилиши мумкин.