"Конор Макгрегорга трэш-токни мен ўргатганман" - Тайсон Фьюри

— Нега бундай трэш-токдан фойдалангансиз? Рақибнинг онгига таъсир қилиш, жангни янада қизиқарли қилиш учунми ёки шунчаки ёқадими?

— Ҳа, шунчаки ёқади. Мен учун бу ҳар доим осон бўлган. Гапириш — мен энг яхши қиладиган иш. Агар гапириш бўйича жаҳон чемпионати бўлганида, мен мутлақ чемпион бўлардим. Балки финалда менга қарши Конор Макгрегор чиққан бўларди.

— Балки.

— Аммо унга буни мен ўргатганман. У мендан кўчирган, менинг услубимни олган. Мен фаолиятим бошидан бери трэш-ток билан шуғулланаман. Жуда узоқ вақтдан бери. Мен буни рақибнинг онгига таъсир қилиш учун қилмайман. Бокс — бу шоу-бизнес. Бокс — Голливуд. Бокс — кино. Мухлисларни хурсанд қилиш керак. Улар Тайсон Фьюри жанги трансляцияси учун пул тўлаганда, матбуот анжуманлариданоқ шоу кўришни хоҳлашади. Улар айнан шунинг учун келишади. Бу ақлбовар қилмас шоу бўлади. Албатта қандайдир воқеа содир бўлади. Бу худди циркка ўхшайди", — деди Фьюри.