Кормье Царукян ва Оливейра ўртасидаги жанг бекор қилинганини тасдиқлади

Бу ҳақда UFC шарҳловчиси Даниэль Кормье маълум қилди.

"Ростини айтсам, йигитлар, Арман Царукян менга Абу-Дабида навбатдаги рақиби Оливейра бўлишини айтганди. BMF камари тикилмаган ҳолда. Улар Оливейра билан Лос-Анжелесда жанг қилишлари керак эди. Арман менга шунчаки жанг қилишда давом этиб, ўз даъволарини шубҳасиз қилмоқчи эканлигини, чунки чемпионлик имкониятини қўлга киритишни истаётганини айтганди.

Албатта, жуда афсусланарли ҳолат, чунки биз Царукян ва Оливейра ўртасидаги реванш жангини жон деб кўрган бўлардик. Аммо, Чарльзнинг жамоадоши вафот этди. Менимча, айнан шу сабабли биз бу жангни кўрмаймиз. Маълумки, Оливейра ва унинг жамоасидаги барча йигитлар жуда яқин. Шунинг учун, ўйлайманки, айнан шу сабабли Чарльз билан жанг бўлиб ўтмайди", — дедининг собиқ икки вазн тоифасидаги UFC чемпиони ўзининг YouTube каналидаги видеода.

Аввалроқ, енгил вазн тоифасида Арман Царукян ва Маурисио Руффи ўртасидаги беш раундлик жанг 19 сентябрь куни Лос-Анжелесда бўлиб ўтадиган UFC 331 турнирининг иккинчи асосий воқеаси сифатида эълон қилинган эди. Ундан бир неча кун олдин эса Оливейранинг дўсти ва жамоадоши Аллан Насиментонинг вафот этгани маълум бўлганди.