"Ковбой" фаолиятини якунлаганини эълон қилди

Серроне UFC 276 турнири доирасида ҳамюрти Жим Миллерга имкониятни бой бериб қўйганди. 

"Раҳмат, Лас-Вегас. Фарзандларим сўнгги жангимда ёнимда бўлганликларидан хурсандман. Бу фаолиятимдаги энг узоқ давом этган тайёргарлик эди. Бу нарса ортиқ менга ёқмайди. Кетиш фурсати етди. Ортда жаҳаннамга тенглашувчи фаолият қолмоқда. Умид қиламанки, бир кун мен ҳам Шон-Шуҳрат залидан жой оламан. Катта раҳмат, UFC", — дея 39 ёшли Серроне кўз ёшлари билан октагонда ўз қарорини эълон қилди. 

"Афсонанинг фаолиятидаги сўнгги сафари. Раҳмат, Ковбой Серроне", – дея UFC промоушенининг расмий Твиттер саҳифасида жангчи манзилига ташаккур изҳор қилинди.

Маълумот учун, Дональд 2019 йилнинг май ойида Эль Яквинтани мағлуб этганидан сўнг октагонда яна 7 та жанг ўтказди. Фақат Нико Прайс билан жанг дуранг билан якунланган, лекин у ҳам кейин бекор қилинганди. Қолган барча олтита жангда "Ковбой" мағлубият аламини тотиб кўрди. Дональдни мағлуб этган номларга эътибор беринг – Тони Фергюсон, Жастин Гэтжи, Конора Макгрегор, Энтони Петтис, Алекс Мороно ва бугун Жим Миллер.

Дональд "Ковбой" Серроненинг умумий статистикаси — 36 ғалаба, 17 мағлубият.