Кроуфорд Альваресга қарши жангига 20 кун қолган пайтдаги жисмоний ҳолатини кўрсатди + ФОТО

Оқшомнинг асосий жангида яримўрта ва биринчи яримўрта вазн тоифаларида собиқ мутлақ жаҳон чемпиони, америкалик 37 ёшли Теренс Кроуфорд иккинчи ўрта вазн (76,2 кг)да мутлақ жаҳон чемпиони, мексикалик 35 ёшли Сауль Альваресга қарши рингга кўтарилади. Теренс ушбу жангига 20 кун қолган бир пайтда қандай спорт формасида эканини кўрсатди.   

Эслатиб ўтамиз, Кроуфорд сўнгги жангини ўтган йилнинг 4 август куни АҚШнинг Калифорния штати Лос-Анжелес шаҳрида ҳамюртимиз Исроил Мадримовга қарши ўтказганди. Тўлиқ 12 раунд давом этган жангда америкалик боксчи очколар (116-112, 115-113, 115-113) ҳисобига кўра ғалаба қозонганди.

Сауль "Канело" Альварес эса шу йилнинг 4 май куни Саудия Арабистони пойтахти Ар-Риёд шаҳрида ўтган бокс оқшомида Уильям Скаллни енгиб, иккинчи ўрта вазн тоифасида мутлақ жаҳон чемпионига айланган эди.