Кроуфорд режадагидан аввалроқ фаолиятини якунламоқчи бўлган экан

Ўша жангдаги ғалаба Кроуфордни бешта вазн тоифасида жаҳон чемпиони ва учта вазнда мутлақ жаҳон чемпионига айлантирди.

"Ғалаба ёки мағлубият, 1000 фоиз [кетмоқчи эдим], - деди Кроуфорд The Pivot нашрига берган интервьюсида. - Ўқув-машғулот йиғинида бошимдан кечирганларимнинг ҳаммаси. Эррол Спенс билан жангдан кейин [2023 йилда] кетмоқчи эдим. Бокс мени ҳайдаб юборишини хоҳламадим".

Кроуфорднинг сўзларига кўра, гап нафақат барча ютуқлардан сўнг янги мақсадларни излашда, балки унинг танаси яна қанча чидашга тайёрлигида ҳам эди.

"Қачонгача оғриқ ва бошқа гапирилмайдиган кўнгилсизликларни бошдан кечиришга тайёрсан? Буларнинг ҳаммасидан яна неча марта ўтмоқчисан? "Канело" ўйин охиридаги сўнгги жангчи эди. Мен чўққига чиқдим. Энди яна қаерга бораман?", - дея қўшиб қўйди Кроуфорд.

Фаолиятини якунлаганини расман эълон қилганидан сўнг, кўпчилик унинг қарорига шубҳа қилди, аммо у том маънода боксдан кейинги ҳаёт учун ўзини сақлаб қолишга аҳд қилди.

"Бутун кучимни шу ерда қолдириб нима қиламан? Нима учун энергияни бошқа нарсага, болаларимга қолдирмаслигим керак. Мен боксдан кейин тўлақонли ҳаёт кечиришни истайман, - деди Кроуфорд. - Узоқ қолиб кетган боксчиларга ўхшагим келмайди. Улар ўз ишларининг натижаларидан завқлана олмайдилар. Болалар билан ўйнай олмайди. Суҳбатни ҳам қўллаб-қувватлай олишмайди. Бу ҳам роль ўйнади".

Кроуфордда эса боксга қайтиш учун сабаб йўқ, масалан, Тайсон Фьюри каби, у тез орада фаолиятида бешинчи марта рингга қайтади.

"Мен мамнунман. Мен истаган нарсамга эришдим ва буни ўзимча бажардим. Бошқа исботлайдиган гапим йўқ. Албатта, бу ажойиб туйғу, аччиқ-чучук, лекин шунга қарамай, мен уни ҳис қилдим. Шунинг учун ҳозирги ҳолатимдан мамнунман", - дея сўзларига якун ясади Теренс.