Кураш бўйича катталар ўртасидаги Жаҳон чемпионатининг очилиш маросими бўлиб ўтди (ФОТО)

Жаҳон чемпионатининг очилиш маросими эса яккалик эмас балки қадим маданиятлар, келажак ва халқаро спортни бир-бирига уйғун ҳолатда тақдим этди.

Жуда ҳам чиройли ҳоладаги дизайн, рангли чироқлар ва 5000 нафарга яқин томошабин гувоҳлигида Кураш мундиали расман очилди.

Узоқ кутилган дақиқалар яқинлашди. Спорт мажмуаси майдонига жаҳон чемпионатида иштирок этувчи давлатларнинг давлат байроқлари олиб бирин кетин кириб келди. Улар саф тортадилар. Турнир очилишининг расмий қисми бошланди.

Тантанали руҳда Туркманистон Президенти Сердар Бердимуҳамедовнинг Кураш бўйича XIV-жаҳон чемпионати иштирокчиларига йўллаган табриги ўқиб эшиттирилди. 

Табрикда Буюк ипак йўлининг юраги бўлган қадимий туркман заминида яшаб ўтган аждодлар жисмонан ва маънан соғлом ёш авлод юксалтиришга катта эътибор қаратгани таъкидланади. Шу тариқа байрамларда ўз маҳоратини намойиш этган спортчиларни тайёрлаш учун ўзига хос кураш мактаби ташкил этилгани эътироф этилди.

Туркманистон Республикаси Президенти, Сердар Бердимухаммедовнинг табригини Туркманистон Республикаси Бош вазири ўринбосари Nurmukhammed Amannepesov ўқиб эшиттирди.

Кураш бўйича жаҳон чемпионати расман  очиқ деб эълон қилинди! Туркманистон Давлат мадҳияси янгради, унинг садолари остида давлат байроғи трибуналар тепасида кўтарилади.

Сўнгра сўз Халқаро Кураш Ассоциацияси (IKA) президенти Ҳайдар Фармонга берилди ва у йиғилганлар олдида сўзлар экан, барчани Туркманистоннинг гўзал пойтахти Ашхободда кўришдан чин дилдан хурсандчилик таъкидлади. Туркманистонда Кураш бўйича жаҳон чемпионатини ўтказиш учун энг қулай шарт-шароитлар ва улкан тайёргарлик ишлари учун  Президент Сердар Бердимуҳамедов ва туркман халқининг Қаҳрамон Аркадағига чуқур миннатдорлик билдирди.

Очилиш маросимининг расмий қисми якунланди ва томошабинларга туркман халқининг миллий қадриятлари, анъаналари, қадим тарихи ва бугунги замонавий ривожланиш даражасини ўзида акс этган куй қўшиқ ва рақслари намойиш этилди. Куй қўшиқларда Замон ва авлодларнинг узвий боғлиқлигининг ўзига хос тимсоллари акс эттирилди.

Жаҳон чемпионатининг расмий очилиш маросими барчага ҳақиқий кураш байрами кайфиятини тақдим этди.

Тадбирдан суратларни томоша қилинг. 

ФОТО: Абдулло Файзуллаев