Кураш бўйича Осиё чемпионати якунланди: Ўзбекистон терма жамоаси барча ёш тоифаларида тенгсиз!

Халқаро Кураш ассоциацияси ва Осиё Кураш конфедерацияси тақвимидаги ушбу чемпионат катталар, ёшлар ва ўсмирлар ўртасида ташкил этилди. Мусобақанинг дастлабки кунида ўсмирлар ва ёшлар ўртасидаги баҳслар ўтказилди. Унда қитъамизнинг 25 га яқин давлатидан келган ёш полвонлар гилам устида маҳорат синашди. 

Натижаларга кўра, Ўзбекистон терма жамоаси умумжамоа ҳисобида 36 та олтин, 2 та кумуш ва 1 та бронза — жами 39 та медал билан мутлақ етакчилик қилди. 

3 август куни катталар ўртасидаги баҳсларда Осиёнинг энг кучли полвонлари 8 та вазн тоифаларида баҳслашишди. Ўзбекистон спортчилари бу куни ҳам 4 та олтин ва 2 та бронза билан етакчиликни давом эттиришди. 4 август куни чемпионатнинг финал палласи бўлиб ўтди. Катталар ўртасида яна 8 та вазн тоифасида ғолиблар аниқланди:

Ўзбекистонлик курашчилар 4 та олтин медал билан чемпионатдаги умумий устунлигини сақлаб қолишди. Якуний медаллар жамғариш бўйича кураш ватани вакиллари жами: 53 та, шундан 45 таси олтин, 5 кумуш ва 3 та бронза медаллари билан биринчи ўринни қўлга киритди.