27 апр 20:16
Янгиликлар

Бокс/ММА

Кутилмаган нокаутчи рақиб — Энтони Жошуанинг жанги эълон қилинди + ПОСТЕР

Cупероғир вазн тоифасида собиқ жаҳон чемпиони Энтони Жошуанинг навбатдаги рақиби эълон қилинди.

Ўтган йили бир ўлимдан қолган британиялик боксчи 25 июль куни Саудия Арабистони пойтахти Ар-Риёд шаҳрида ташкил этиладиган проф бокс оқшомида кутилмаган рақиб - албаниялик Кристиан Пренгага қарши рингга кўтарилади.

Маълумот учун, 35 ёшли Пренга проф рингда 21 та жанг ўтказиб, 20 та ғалабага эришган. Барча ғалабаларига муддатидан аввал эришган. Лекин рақиблари орасида номдор номлар йўқ. 2022 йилдан АҚШда истиқомат қилиб, ўша ерда ўз жангларини ўтказиб келяпти.

Агар Жошуа ушбу жангда ғалаба қозонса ва шунинг баробарида жароҳат олмаса, у ҳолда у йил сўнггида ҳамюрти Тайсон Фьюрига қарши рингга чиқади.