10 авг 08:14
Янгиликлар

Бокс/ММА

Кутилмаган хабар! Майк Тайсон - Рой Жонс жанги санаси ўзгарди

Америкалик бокс афсоналари - Майк Тайсон ҳамда Рой Жонс ўртасида ўтказилиши тасдиқланган жанг санасига ўзгартириш киритилди.

Бу ҳақида MMA Fighting журналисти Майк Хек "Твиттер"даги саҳифасида хабар берди. Афсоналар жанги шу йилнинг 28 ноябрь куни ўтказиладиган бўлди. Саккиз раундга мўлжалланган жанг 12 сентябрь куни Калифорнияда ўтказилиши эълон қилинганди.

Хабарда айтилишича, ташкилотчилар қўшимча даромад ишлаб олиш мақсадида жанг санасини кечроқ муддатга кўчиришган. Майк Тайсон сўнгги жангини 2005 йилда ўтказган ва ўшанда Кевин Макбрайдга ютқазиб қўйганди. Рой Жонс эса 2018 йилнинг февралида Скотт Сигмондан устун келган эди.