Кутилмаган хабар. Шон О’Мэлли фаолиятини якунлаши мумкин

"Агар тахмин қилишимга тўғри келса, шу йилнинг ноябрь ёки декабрь ойларида қайтиб келаман, деган бўлардим. Аслида бу йил яна бир жанг ўтказишни истардим, аммо бундай бўлмаслиги ҳам мумкин. Бундан ташқари, мен бошқа ҳеч қачон жанг қилмаслигим ҳам мумкин - ҳеч қачон, ҳа бунга ишониб бўлмайди," - деди америкалик ўз подкастининг навбатдаги сонида.

О’Мэлли бу баёнот айнан нима билан боғлиқлигига аниқлик киритмади. Америкалик аралаш яккакураш устаси трилогияда чемпион Мераб Двалишвилига имкониятни бой берганди. Ўтган йилнинг сентябрь ойида Шон чемпионлик камарини грузиялик жангчига бой бериб қўйган бўлса, шу йилнинг июнида чемпионлик реванш жангида "Машина"га учинчи раундда бўғиш орқали ютқазди.

Айни дамда Шон О’Мэлли UFC’нинг энг енгил дивизиони рейтингида биринчи ўринни эгаллаб турибди.