Лара IBF чемпионидан нокаут эвазига камарни тортиб олди

У чемпионлик жангида камар соҳиби Жош Уоррингтонга қарши рингга кўтарилди ва тўққизинчи раундда чемпионни нокаутга учратди. Бу 22 ёшли Ларанинг фаолиятидаги муддатидан аввал қозонган 15-ғалабаси бўлди. Маурисио ҳисобида умумий 22 та жангдан 20 та ғалаба бор. Икки бор мағлубият аламини тотиб кўрган.

Жош Уоррингтон эса фаолиятидаги илк мағлубиятини қарши олди. У 2018 йилнинг май ойидан бери IBF чемпионлик камарини ўзида сақлаб келаётганди. Ўшанда у Ли Шелбидан устун келганди. Уоррингтон фаолияти мобайнида 31 та жанг ўтказиб, 30 тасида зафар қозонган эди. 

Дарвоқе, Маурисио Лара илк бор Европада жанг ўтказди. Бунгача у Мексика ва Аргентинада ўз жангларини ўтказиб келаётганди.