24 фев 13:11
Янгиликлар

Олимпия ўйинлари, Қишки спорт турлари

Ледецка - битта Олимпиадада 2та спорт турида чемпион бўлган биринчи спортчи!

Чехиялик тоғ чанғи устаси ва сноубордчи Эстер Ледецка битта Олимпиадада иккита спорт турида олимпия ўйинлари чемпиони бўлган илк спортчига айланди.

Шу кунгача Олимпиадалар тарихида ҳали ҳеч бир атлетга икки турли спорт турида олимпия ўйинлари ғолиб бўлиш насиб этмаган эди. Бугун Ледецка Пхёнчхан Олимпиадасининг сноуборд мусобақаси параллель гигант слалом баҳсларида олтин медални қўлга киритди.

Чехиялик спорт маликаси аввалроқ Пхёнчхандаги Олимпиаданинг тоғ чанғи мусобақаси супергигант баҳсларида ҳам шохсупанинг энг юқори поғонасига кўтарилганди.