Легионерлар. Бугун Йўлдошев, Ғаниев ва Убайдуллаев жамоалари ўйнайди

Беларусь

Шаҳзод Убайдуллаев тўп тепаётган Солигорскнинг "Шахтёр" клуби Минскда "Динамо" меҳмони бўлади. Бу ўйин Тошкент вақти билан соат 18:00да бошланади. Айни пайтда "Шахтёр" 5та ўйиндан 13 очко тўплаб, 4-ўринда бормоқда. "Динамо" эса 6та ўйиндан 15 очко билан пешқадам бўлиб турибди.

БАА

Азизжон Ғаниев фаолият олиб бораётган "Шабаб Ал Аҳли" клуби бугун "Банияс" меҳмони бўлади. Учрашув Тошкент вақти билан соат 22:00да бошланади. 24та ўйиндан 51 очко тўплаган "Шабаб" "Ал Ваҳда" билан бирга чемпионатда пешқадамлик қилмоқда.

Россия

Иброҳимҳалил Йўлдошев тўп тепаётган "Пари НН" клуби бугун ўз майдонида "Урал"ни қабул қилади. Мазкур баҳс Тошкент вақти билан 16:00га белгиланган. "Пари НН" 25та ўйиндан 22 очко жамғарган ҳолда 16та клуб орасида 14-ўринда бормоқда.