24 дек 13:30
Янгиликлар

Футбол

"Ливерпуль" марказий ҳимоячи учун 90 миллион евро тўлаши мумкин

"Football Insider" нашрининг хабар беришича, "Ливерпуль" "Интер" марказий ҳимоячиси Алессандро Бастонини кузатиб бормоқда.

Бастони орқали инглизлар ҳимоя марказини кучайтиришни режа қилган.

Манбанинг хабар беришича, 26 ёшли футболчининг трансфери "мерсисайдликлар"га камида 80 миллион фунт стерлингга (91,2 миллион евро) тушиши мумкин. Шунингдек, ҳимоячига "Барселона" ҳам қизиқиш билдирмоқда.

"Интер" ҳимоячиси бу мавсумда барча мусобақаларда 20 та ўйинда майдонга тушиб, битта гол урди ва бешта голли узатмани амалга оширди. Унинг клуб билан амалдаги шартномаси 2028 йил ёзигача амал қилади. Трансфермаркт сайтидаги маълумотларга кўра, унинг бозор қиймати 80 миллион еврони ташкил қилади.