11 май 15:01
Янгиликлар

Футбол

"Ливерпуль" "Реал"дан Хаби Алонсо ҳақида маълумот сўради

"Қизиллар" Хаби Алонсони бош мураббий этиб тайинлаш имкониятини ўрганмоқда.

AS нашрининг хабар беришича, Мерсисайд клуби испаниялик мураббийнинг "қироллик клуби"даги иши ҳақида қўшимча маълумот олиш учун "Реал" билан боғланган. Манбага кўра, "Ливерпуль" раҳбарияти Алонсонинг эҳтимолий тайинловидан олдин "тавсия хати" сўрамоқда.

Трент Александер-Арнольднинг 2025 йилнинг ёзида "Реал"га ўтишидан кейин клублар ўртасидаги кескинлик юзага келганига қарамай, томонлар ишончли муносабатларни сақлаб қолмоқда.

Хаби Алонсо ўтган ёзда "Реал"ни қабул қилиб олган, аммо 12 январь куни клуб мураббий билан ҳамкорликни тугатганини эълон қилган эди.