Ломаченко — Хэйни билан жанг ҳақида: "У Ломаченко, мен эса Ригондо бўлиб қолгандекман"

Украиналик боксчи Василий Ломаченко 21 май куни Лас-Вегасда (АҚШ) ташкил этилаётган енгил вазн тоифасида мутлақ жаҳон чемпиони америкалик Дэвин Хэйнига қарши жанг ҳақида гапирди.

"Хэйнини Гильермо Ригондо билан солиштиришни унутинг, чунки уларнинг габарити ҳар хил. Ҳозир вазият шундайки, мен Ригондо билан бир хил ҳолатдаман. Афтидан, энди мен Ригондоман, у эса Ломаченко, агар габарит ҳақида гапирсак, қўллари узун ва вазнда ҳам фарқ бор", - деди Ломаченко.

Гильермо Ригондо 42 ёшли кубалик боксчи бўлиб, у ҳаваскорлар ўртасида икки карра Олимпиада чемпиони, икки карра жаҳон чемпиони ҳисобланади. Профессионал боксда эса Ригондо икки вазн тоифасида жаҳон чемпионлигини қўлга киритган.