15 дек 09:11
Янгиликлар

Бокс/ММА

Ломаченконинг рақибини аниқлаб берган Лопес - Комми чемпионлик жанги икки раунд давом этди

Нью-Йорк шаҳридаги муҳташам “Мэдисон Сквер Гарден“ аренасида қизиқарли бокс кечаси бўлиб ўтмоқда.

Ҳозиргина кечанинг марказий жангларидан бирида енгил вазн тоифасида IBF камари соҳиби Ричард Комми даъвогар Теофимо Лопесга қарши рингга кўтарилди. Жанг кутилмаганда жуда тез якунланди.

Тўқнашувнинг иккинчи раундида Лопес Коммини нокдаун ҳолатига туширди. Комми ўрнидан туришига қарамасдан Теофимо кетма-кет кучли зарбалар йўллашда давом этди, бунинг натижасида ҳакам жангни тўхтатишга мажбур бўлишди.

Шу тариқа, Лопес IBF камарига эга чиқди. Энди у енгил вазн тоифаси қироли Василий Ломаченкога қарши рингга кўтарилади.