11 фев 07:58
Янгиликлар
Дзюдо
Лутфуллаев - Париждаги “Катта Дубулға” турнири вице-чемпиони!
Франция пойтахти Париж шаҳрида дзюдо бўйича “Катта Дубулға” туркумига кирувчи нуфузли турнир бўлиб ўтмоқда.
Мазкур мусобақада Ўзбекистон шарафини тўрт нафар спортчи ҳимоя қиляпти. Уларнинг уч нафари илк кунги баҳсларда татамига чиқди. Ҳамюртларимиздан Шарофиддин Лутфуллаев финалгача етиб етиб бориб, якунда кумуш медални қўлга киритди.
-60кг вазн тоифасида татамига чиққан Шарофиддин ўз гуруҳида кореялик Харим Ли ва франциялик Седрик Револни мағлуб этди. Ярим финалда бразилиялик Фелипе Пелимдан устун келди. Олтин медал учун кечган баҳсда эса япониялик машҳур спортчи Тору Шишимега ютқазиб қўйди.
Кечаги баҳсларда иштирок этган қолган дзюдочиларимиз - Сардор Нуруллаев (-66кг) ва Ҳикматуллоҳ Тўраев (-73кг)лар гуруҳ босқичидаёқ рақибларига имкониятни бой бериб, мусобақадаги иштирокларини якунлашди.
Ҳавола :
Манба : olamsport.com
Фикрлар