16 июл 07:29
Янгиликлар

Таэквондо

Мадина Мирабзалова кореялик рақибасини ўз юртида мағлуб этиб, бронза медали соҳибасига айланди!

Корея Республикасининг Мужу шаҳрида таэквондо WТ бўйича G1 таснифига кирувчи Гран-При Челленж турнири бўлиб ўтмоқда.

Илк кунги беллашувлар аёллар ўртасида -49 ва -57, эркаклар ўртасида -58 кг вазн тоифаларида ташкил этилди. Юртимиз шарафини Омонжон Отажонов (-58 кг) ва Мадина Мирабзалова (- 57 кг) ҳимоя қилишди.

Қувонарлиси, мусобақада тўртинчи рақам остида таснифланган Мадина Мирабзалова мусобақанинг бронза медалига эга чиқди. У аввалига вьетнамлик Чам Нгок Фамни енгиб, ярим финалга йўл олганди. Финал йўлланмаси учун баҳсда эса ҳамюртимиз мусобақанинг биринчи рақамли спортчиси – Вей-Чун Лин олдида ожиз қолди.

Шу тариқа, бронза медали учун курашиш имкониятини сақлаб қолган Мирабзалова мезбонлар вакиласи Ёнг Янг Жонгни 2:0 ҳисобида мағлуб этиб, нуфузли халқаро турнирнинг бронза медалини қўлга киритди.