30 апр 07:43
Янгиликлар

Теннис

Мадрид "Мастерс". Надаль 3-даврада 3 соату 3 дақиқалик учрашув ўтказди

Испания пойтахти Мадрид шаҳрида теннис бўйича "Мастерс" сериясига кирувчи нуфузли турнир давом этмоқда.

ATP рейтингида 512-поғонада бораётган испаниялик афсона Рафаэль Надаль учинчи давра учрашувида дунёнинг 91-ракеткаси аргентиналик Педро Качинни уч сет натижасига кўра мағлубиятга учратди - 6/1, 6/7(5), 6/3. Бу теннисчиларнинг ўзаро ўтказган илк учрашуви эди.

Уч соату 3 дақиқалик баҳс статистикаси:

Рафаэль Надаль - эйс йўқ, қўшхато йўқ, 9 та брейк.

Педро Качин - 3 та эйс, 3 та қўшхато, 4 та брейк.

Надаль US Open-2022 турниридан кейин илк бор кетма-кет учта учрашувда ғалаба қозонди. Энди у Mutua Madrid Open турнирининг 1/8 финалида Иржи Лехечкага қарши кортга чиқади. Чехиялик теннисчи учинчи босқичда бразилиялик Тьяго Монтейрони 6/4, 7/6(7) ҳисобида таслим этди.