01 мар 08:22
Янгиликлар

Бокс/ММА

Мадримов оқшомидаги чемпионлик жанги якунланди

АҚШнинг Техас штати Фриско шаҳрида ўтказилаётган профессионал бокс кечаси ўз якуни сари яқинлашмоқда.

Ҳозиргина оқшом доирасидаги чемпионлик жангларидан бири якунланди. Унда енгил вазн тоифасида WBC йўналиши чемпиони Хулио Сезар Мартинес илк ҳимоя жангини ўтказди. 25 ёшли Сезар уэльслик даъвогар, рейтингнинг бешинчи поғонасидан жой олган Жей Харрисга қарши рингга кўтарилди.

Чемпионлик жанги тўлиқ 12 раунд давом этди. Жангнинг 10-раундида Мартинес рақибини нокдаун ҳолатига тушириб қўйди. Аммо, Харрис ўзини ўнглаб олди ва чемпионга муносиб қаршилик кўрсатди. Якунда ҳакамлар бир овоздан 115-112, 116-111 ва 118-109 ҳисобида амалдаги чемпионнинг ғалабасини таъминлашди.